МБОУ "ТСОШ им. С.Т. Захарова"
@id1430007360_gosДинамика подписчиков
Последние записи
«ӨРКӨН ӨЙ КҮӨН-КҮРЭС» 13/02/2026 Бүгүн Төрөөбүт тыл уонна сурук — бичик күнүгэр аналлаах «ӨРКӨН ӨЙ» күрэс буолла. Күрэскэ барыта түөртүү киһилээх биэс хамаанда кытынна: С.Т Захаров аатынан Төлөй орто оскуолата; В. В. Смирников аатынан «Кустук» уһуйаан хамаандата; А5ам саастаахтар түмсүүлэрэ; Араас тэрилтэлэртэн, хомуур хамаанда; Төлөй орто оскуолатын улахан кылаас үөрэнээччилэрэ. Күрэс түмүгүнэн: 1м — С. Т. Захаров аатынан Төлөй орто оскуолатын үлэһиттэрэ; 2м — Төлөй орто оскуолатын улахан кылаас оҕолоро; 3м — араас тэрилтэлэртэн, хомуур хамаанда. Дьүүллүүр сүбэ саха тылын уонна литэрэтиирэтин учуутала Елена Егоровна Попова уонна нуучча тылын уонна литэрэтиирэтин учуутала Варвара Николаевна Абрамова буоллулар. Кыттааччыларга барыларыгар кыттыы иһин туоһу сурук, кыайыылаахтарга 1,2,3 миэстэлээх мэдээллэр бэрилиннилэр. Бастакы миэстэни ылбыт хамаандаҕа көһө сылдьар кубок туттарылынна. Тэрийээччилэргэ барҕа махтал!
Открыть в MaxОлунньу 12 күнүгэр, "С.Т.Захаров аатынан Төлөй орто оскуолатыгар" Николай Төлөөйүскэйи кытта иһирэх көрсүһүү буолан ааста. Николай Федорович Смирников, физическэй култуураҕа уонна успуорка туйгуна, Афанасий Софронов аатынан бириэмийэ Лауреата, икки төгүллээх Чурапчы улууһун уонна СӨ ытыыга успуордун "Бастыҥ тириэньэр" аат туһааннааҕа, Кытаанах нэһилиэгин, Чурапчы улууһун бочуоттаах олохтооҕо, РСФСР норуотун үөрэҕириитин туйгуна, "Учууталлар учууталлара" анал аат туһааннааҕа, бэйиэт, РФ үөрэҕириитин Бочуоттаах үлэһитэ. Николай Смирников 5-11 кылаас үөрэнээччилэрин кытта көрсүһүүгэ бэйэтин оҕо сааһын, бииргэ төрөөбүттэрин, айар үлэтин, дьиэ кэргэнин, ону таһынан, олоххо сыһыан, сиэр-майгы, булт, сиэр-туом, төрөөбүт дойдуга таптал, дьол о.д.а. туһунан санаатын аһаҕастык кэпсээбитин олус сэргээтибит. Бэйэтин алгыс тылын, сүбэтин эттэ-тыынна. Николай Федорович 49 сыл оскуолаҕа оҕо аймаҕы иитиигэ-үөрэтиигэ таһаарыылаахтык үлэлээбит бастыҥ учуутал, 5 оҕо амарах аҕата, эйэҕэс эһэ, тапталлаах кэргэн, тириэньэр. 12.02.2026
Открыть в Max