Новости МБОУ "Легойский лицей-интернат"

Кэптэнигэ СВО кыттыылааҕа Эрхаан Игнатьев сырдык аатыгар ыытыллыбыт турнир Лөгөй ыччатын түмтэ Кэптэнигэ Лөгөйдөөҕү лицей-интернакка олунньу 21 күнүгэр анал байыаннай дьайыы кыттыылааҕа, биһиги эйэлээх олоххо олорорбут туһугар олоҕун толук уурбут биир дойдулаахпыт, Лөгөй орто оскуолатын 2019 сыллааҕы выпускнига Игнатьев Эрхаан Николаевич сырдык аатыгар Лөгөй нэһилиэгин ыччатыгар мини-футбол турнира буолан ааста. Күрэс үөрүүлээх арыллыытыгар Лөгөй нэһилиэгин баһылыга Николай Попов, Лөгөйдөөҕү лицей-интернат дириэктэрэ Михаил Пухов кыттааччыларга ситиһиини баҕаран, Эрхаан үтүө, хорсун майгытын ахтан-санаан аастылар. Маны тэҥэ бу күн Эрхааҥҥа анаммыт киһини уйадытар, оҕо сааһын санатар, уот сэриигэ сылдыбытын көрдөрөр быыстапка турда. Барыта аҕыс хамаанда күөн-көрүстэ: «2010-2014 сыллар выпускниктара», «Нагорнай уулусса ыччата», «Дьокуускайга олохсуйбут Кэптэни эдэр ыччата», «2024-2025 сыллар выпускниктара», «Лөгөй лицейин оҕолорун 1-кы хамаандата», «Лөгөй лицейин оҕолорун 2-с хамаандата», «Кэптэни олохтоох ыччата», «Эрхан табаарыстарын хамаандата». Тыҥааһыннаах киирсиилэр кэннилэриттэн З-с миэстэни «Кэптэни олохтоох эдэр ыччатын» хамаандата ылла уонна Эрхаан аҕатын таксист доҕотторо туруорбут 24 000 солкуобай бириистэрин туттулар. Иккис миэстэ «Нагорнай уулусса ыччатын» хамаандата буолан, Эрхаан төрөөбүт, улааппыт «Төлөн» түөлбэтэ туруорбут 30 000 солкуобай бириистэрин ыллылар. Бастакы миэстэни «2024-2025 сыллар выпускниктара» хамаанда ылла уонна сүрүн бирииһинэн – Эрхаан аймахтара, чугас дьоно туруорбут 50000 солкуобай бириистэрин туттулар. Итини таһынан бастыҥ оонньооччуларга анал ааттар туттарылыннылар: . «Бастыҥ эдэр оонньооччу» – Антон Сокорутов, «Бастыҥ бомбардир» – Арсен Сокорутов, «Бастыҥ вратарь» – Рустам Баишев, «Инникилээх оонньооччу» – Альберт Тищенко, «Бастыҥ көмүскээччи» – Егор Бурнашев, «Бастыҥ полузащитник» – Иннокентий Сысолятин, «Саамай саастаах оонньооччу» – Семен Бурнашев, «Бастыҥ кимээччи» – Николай Ушницкай, «Турнир бастыҥ гола» – Ян Готовцев, «Бастыҥ оонньооччулар»: Эдуард Матвеев (ЛЛИ 1-кы хамаандата), Афанасий Ушницкай (Дьокуускай к. хамаандата), Юрий Петухов (Эрхаан доҕотторун хамаандата), Роман Никифоров (2010-2012 сс. хамаандалара), Юриан Никитин (ЛЛИ-2 хамаанда), «Кэптэни эрэлэ» – Арылхан Перевалов, «Турнир бастыҥ оонньооччута» – Арсен Сокорутов. Түмүккэ Эрхаан ийэлээх, аҕата Екатерина, Николай Игнатьевтар уонна бииргэ төрөөбүттэрэ күрэс ыытылларыгар сүүрбүт-көппүт биир дойдулаахтарыгар махтал суруктары туттардылар. Игнатьевтар дьиэ кэргэн бу турниры ыытарга күүс-көм буолбут аймахтарын, биир дойдулаахтарын, уолларын уонна бэйэлэрин доҕотторун ааттаан туран бука барыларыгар ис сүрэхтэриттэн махтаналлар. Ол курдук сүрүн бириискэ кыттыспыт аймахтара: Өлүөхүмэттэн Афанасьевтар, Габышевтар, Антоновтар, Уус Алдантан Седалищевтар, Переваловтар, Алексеевтар, Бахановтар, Гоголевтар, Поповтар, Пермяковтар, Кангаласстан Сергеевтар, ону сэргэ олорор “Төлөн” түөлбэлэрин дьоно-сэргэтэ, аҕаларын таксист табаарыстара, улууспутуттан СВО сылдьар уолаттардаах төрөппүттэр, Кэптэни олохтоохторо Ф.С. Колодезникова, П.Н. Никифорова, В.Г. Ушницкая, А.А. Бережнев, Р.Р. Копырин, Даалыттан Н.Н. Борисов, В.Е. Заболоцкая, Лөгөй орто оскуолатын 1994 с. выпускниктара, Лөгөй лицей-интернатын коллектива, остолобуойун үлэһиттэрэ, Лөгөй нэһилиэгин дьаһалтата, Эрхаан оскуолаҕа уонна СХТ бииргэ үөрэммит доҕотторо, Тиит Арыыттан Тарабукиннар дьиэ кэргэннэрэ уонна тус бириистэри олохтообут Бороҕонтон Петр Петрович Баханов, Өлүөхүмэттэн Егор Егорович Афанасьев. Ити курдук бары түмсэн умнуллубат тэрээһини ыытан, биир дойдулаахпыт Эрхаан Игнатьев аата үйэлэргэ өлбөөдүйбэтин туһугар олук буолла! Лөгөй ыччата бу турнирга мустан сомоҕолоһуу, доҕордоһуу тыыныгар куустарда. Түмүктээн эттэххэ, күрэһи сарсыарда саҕаланыаҕыттан киэһэ бүтүөр диэри быһа холбонуунан барыта 616 киһи киирэн көрдө. Янис Сысолятин, Лөгөйдөөҕү лицей-интернат SiTiM LegMedia киин юнкора Николай Малышев, Анжелика Игнатьева хаартыскаҕа түһэриилэрэ

Ураа! Молодцы!

[Вложение без текста]

[Вложение без текста]

Калининград нас ждет!✅ С гордостью сообщаем о триумфе наших учеников в чемпионате ПРОФЕССИОНАЛЫ в компетенции «Кровельные работы»! 🍀Ушницкий Эдуард (9 класс) подтвердил свою победу в улусе и стал ПОБЕДИТЕЛЕМ! 🍀Попов Костя (8 класс) дебютировал с результатом — 3 место! Этот успех стал возможен благодаря таланту ребят и профессионализму их учителя — Иннокентия Семеновича. Наши поздравления!!!

Бүгүн, олунньу 25 күнүгэр, Чараҥ оскуолатыгар улуустааҕы иккис төгүлүн ыытыллар БАРҔАРЫЫ нпк 4 оҕо ситиһилээхтик кыттан кэллилэр Түмүк: ✅Нафанаилова Аджелина 10 кыл (сал Старкова ЕМ) - ЛАУРЕАТ ✅Герасимов Павел 9 кыл (сал Протодьяконова СИ, Тищенко ВИ) - 1 место ✅Сысолятин Янис 8 кыл (сал Протодьяконова СИ) - 1 место ✅ Нафанаилов Богдан 7 кыл (сал Малышева МА) - 3 место Эҕэрдээээ!!!

[Вложение без текста]

Улуустааҕы "Хотугу сулус" күрэххэ Лөгөй лицейин үөрэнээччилэрэ ситиһии көтөллөнөн кэллилэр : "Долун" ансаамбыл 4 кыл уолаттара лауреат 3ст "Ситим" фольклорнай бөлөх лауреат 3 ст Вика Готовцева дипломаан, Алгыстаана Белолюбская дипломаан, Эрсаан Кычкин дипломаан. Марк Олесов лауреат 2 ст Салайааччыларбытын, төрөппүттэрбитин оҕолорбутун эҕэрдэлиибит! 👏👏👏🤩

[Вложение без текста]

[Вложение без текста]