Крестях // Кириэстээх сонуннара

https://krestyakh.sunlibrary.ru/?p=2218 Дьахтар күнүгэр санаалар.

📹📹📹 Кириэстээх араас идэлээх кэрэ кийииттэрэ. Килииби оҥордо Олимпиада Иванова 🌷🌷🌷

📹📹📹 "Кириэстээх кэрэ кийииттэрэ" хаартысканан килиип көрүөххэ. Бырааһынньыгынан, күндү Кириэстээхпит кэрэ - талба кийииттэрэ 🌷🌷🌷

🌷🌷🌷 Күндү эйэҕэс эбээлэр, иһирэх ийэлэр, Далбар Хотуттар, кыргыттар! Кириэстээх нэһилиэгин дьаһалтатын, Нэһилиэк Сэбиэтин ааттарыттан уонна тус бэйэм сандал саас бастакы күүтүүлээх бырааһынньыгынан - Аан дойду дьахталларын күнүнэн итиитик-истиҥник эҕэрдэлиибин! Биһиги бары Ийэттэн бу сиргэ кэлбиппит, Ийэ барахсан илгэлээх үүтүнэн эмсэхтэнэн, киһи буолан, олоххо суолбутун булан, олоҕу салгыыбыт. Кэрэ аҥарбытын талан ылан олохпутун оҥостобут, кэрэҕэ кыттыһабыт, үтүөҕэ тардыһабыт. Нарын-намчы кэрэ аҥардарбыт, эһиги Орто дойду олоҕун хамсатар күүстээххит. Эһиэхэ анаан хорсун-хоодуот быһыылар, чаҕылхай кыайыылар, сүдү соруктар олоххо киирэллэр, талба талааннар арыллаллар, мөлтөх да күүһүрэр, ыраах да чугаһыыр. Кириэстээх бары күүстээх аҥардара анал байыаннай дьайыыга ытык иэстэрин көмүскүү сылдьар уонна ытык иэһи көмүскүүр туһугар олохторун толук уурбут биир дойдулаахтарбыт кэргэттэригэр, ийэлэригэр сүгүрүйэбит. Эһиэхэ тулхадыйбат тулууру, кытаанах санааны, сырдыкка, инникигэ эрэли баҕарабыт! Күндү кэрэ аҥардар, эһиэхэ бүгүҥҥү сааскы үтүө күҥҥэ баҕарыам этэ дьолу -соргуну, үөрүүнү-көтүүнү, дьиэ-кэргэҥҥэ ил-эйэ, таптал, өйөһүү-өйдөһүү баар буоллуннар, оҕолоргут, ыччат дьоҥҥут ситиһиилээх, кыайыылаах -хотуулаах буоллуннар! Хомолто, хараастыы тумуннун, халлааҥҥыт өрүү ыраас, саҕаххыт сырдык буоллуннар! Дьоллоох буолуҥ! Кириэстээх нэһилиэгин баһылыга А.Н.Григорьев

🌷🌷🌷 Талба талааннаах кийииттэр айар үлэлэрин билсэн ааһыахха...

Бырааһынньыктааҕы киэһээни тэрийдилэр "Саргы түһүлгэтэ" култуура киинэ, "Матери России" Кириэстээхтээҕи салаата 🇷🇺🇷🇺🇷🇺

Тэрээһин саамай долгутуулаах түгэнэ. Баһылык Александр Григорьев, "Матери Росси" түмсүү салайааччыта Саргылана Григорьева, Үлэ дьоруойа Владимир Михайлов эҕэрдэлэрэ. Бары күндү - мааны кийииттэргэ эр дьон сибэкки дьөрбөтө туттараллар 🌷🌷🌷

Дьоллоох дьиэ кэргэн - дьол уйата

"Чугас дьонум, дьүөгэлэрим, кыргыттарым" эдэр көлүөнэ кийииттэр бөлөхтөрүн көрүҥ, истиҥ, сэргээҥ. Бөлөх бу күҥҥэ анаан умнуллубат бырааһынньыктааҕы дьоро киэһэни бэлэхтээтэ 🎤🎤🎤🎉🎉🎉

Араас кэмнэрдээҕи дефилены, үҥкүүлэри, ырыалары, бииртэн биир нүөмэри көрөөччү дохсун ытыс тыаһынан көрсөр 🎉🎉🎉🎤🎤🎤 Кыыс дьоло 💞💞💞